ගණක යන්ත්‍රය

මෙම ඝණක යන්ත්‍රය භාවිතයෙන් ඔබට එදිනෙදා වැඩකටයුතු කිරීමේදී අවශ්‍ය වන ගණිත කටයුතු සිදු කළ හැක.

එකතු කිරීම, අඩු කිරීම, බෙදීම, වැඩි කිරීම, වර්ග මූලය සෙවීම, ප්‍රතිශතය සෙවීම, සහ පරස්පරය සෙවීම එම සුපුරුදු අංකන වලින්ම දැක්වේ ඔබට මතකයෙහි තැන්පත් කිරීම් සිදු කළ හැකි අතර ඔබ සිදු කරන ගණිතමය කටයුත්තෙහි යොදා ගෙන ඇති අගයන් සහ ඵලයන් බලා ගැනීම සදහාද පහසුකම් ඇත.

දින දර්ශකය

ඔබගේ වාර්ෂික දින සැලැසුම් කරගැනීමට යොදා ගත හැකි වැඩසටහනකි. මෙම වැඩසටහන භාවිතා කිරීමෙන් ඔබට මතක තබා ගත යුතු විශේෂ දින පිළිබදව තැන්පත් කිරීමෙන් අදාළ දිනයෙහි ඔබට අවශ්‍ය වේලාවට මතක් කිරීමක්ද සිදු කර ගත හැක.

මෙහිදී ඔබට ඔබගේ පරිගණක තිරය (Desktop) එක මත තැන්පත් කර තබා ගත හැකි කුඩා දින දසුනක්ද, ඊට අමතරව විශේෂ දින පිළිබදව සටහන් තැන්පත් කර ගැනීමට විස්තරාත්මක දින දසුනක්ද දැක ගත හැකි වේ.

 

මිනුම් පරිවර්තකය

ඔබට එදිනෙදා අවශ්‍ය වන මිනුම්, අනිකුත් ඒකක වලට පරිවර්තනය කිරීමට නිර්මාණය කර ඇත. උෂ්ණත්වය, දිග, බර වැනි ම්නුම් ඒකක වෙනත් ඒකක වලට පරිවර්තනය කිරීම මෙමඟින් ඉතා පහසුවෙන් සිදු කළ හැක.

උදා. සෙල්සියස්වලින් ෆැරන්හයිට්වලට පරිවර්තනය කරගැනීම

 

දින සැලැස්ම

ඔබගේ දෛනික වැඩ කටයුතු මනාව සැලසුම් කර ගැනීමට මෙම දින සැලැස්ම කදිම වැඩසටහනකි. මෙමගින් ඔබට මතක් කිරීම් ද සිදු කළ හැකි පරිදි සකසා ඇති නිසා, ඔබගේ එදිනෙදා වැඩකටයුතු අතපසු වීමකින් තොරව සිදු කළ හැක.

 

ඇලවෙන කොළ

මෙම ඩිජිටල් ඇලවෙන කොළ පරිගණක තිරය මත පිහිටුවා ගත හැකිය. මෙමඟි ඔබගේ වැඩ කටයුතු අතපසු වීමකින් තොරව සිදු කළ හැකිය 

 

සම්බන්ධතා

ඔබ සම්බන්ධතාවයන් පවත්වන අයගේ සියළුම තොරතුරු තැන්පත් කර තබා ගැනීමට යොදා ගත හැක. ඔහුගේ හෝ ඇයගේ ඡායාරූපය ඇතුලත් කර ගැනීමද මෙමගින් සිදු කළ හැක.

තවද ඔබට නමක් සොයා ගැනීමට අවශ්‍ය නම්, එම නමෙහි මුල් අකුර මත ක්ලික් කළ විට එම අකුරෙන් පටන් ගන්නා නම් ඇති සියල්ලන්ගේම තොරතුරු ඊතල භාවිතයෙන් පහසුවෙන් බලා ගත හැක.

 

යතුරු පුවරු ක්‍රීඩාව

මෙම සුව්ශේෂි ක්‍රිඩාවෙහි යෙදීමෙන් සිංහල යතුරු පුවරු භාව්තය වේගවත් වේ. ඔබගේ යතුරු ලියන හැකියාව මෙන්ම වේගයද දියුණු කර ගත හැක.

එමෙන්ම ඔබගේ දක්ෂතාවය අනුව ක්‍රීඩාවේ ස්වභාවයද වෙනස් කරගැනීම “ඔබගේ දක්ෂතාවය තෝරා ගන්න” මගින් ඉතා පහසුවෙන් සිදු කර ගත හැක.

.

ලෝක ඔරලෝසුව

ලෝකයේ විවිධ රටවල වෙලාව සහිත ඔරලෝසු ඔබගේ පරිගණක තිරයෙහි පහසුවෙන් තැන්පත් කර තබා ගැනීම සිදු කළ හැක.